நடிகர் கமல்ஹாசன் பிறந்தநாள் முன்னிட்டு வாழ்த்து தெரிவிக்கும் விதமாக ஓவியர் ஒருவர் “தொடையில் பிரஷ் வைத்துக்கொண்டு ” கமல் படத்தை வரைந்து அசத்த்தியுள்ளார்.
கள்ளக்குறிச்சி மாவட்டம் திருக்கோவிலூர் அடுத்த மணலூர்பேட்டை சேர்ந்த ஓவியர் செல்வம் திரைப்பட நடிகர் கமல்ஹாசன் பிறந்தநாள் முன்னிட்டு வாழ்த்து தெரிவிக்கும் விதமாகவும், விக்ரம் திரைப்படம் வெற்றியை கொண்டாடும் விதமாகவும் தனது தொடையில் பிரஷ் வைத்துக் கொண்டு கமல் படத்தை வரைந்துள்ளார்.
நடிக்க முடியாத காட்சிகளையும், கதாபாத்திரங்களையும் தனது கலை ஆர்வத்தால் நடித்து சாதனை படைத்தவர் நடிகர் கமல்ஹாசன் ,. அவரைப் போன்றே அவருடைய பாணியை பின்பற்றி ஓவியத்திலும் சாதனை படைக்கலாம் என ஓவியர் செல்வம் வித்தியாசமாக தனது தொடையில் பிரஷ் வைத்துக்கொண்டு கமல்ஹாசன் உருவத்தை 20 நிமிடங்களில் வரைந்து அசத்தினார். இந்த ஓவியத்தை பார்த்த பொதுமக்கள் ஓவியர் செல்வத்தை பாராட்டி சென்றனர்.
