Skygain News

தம்பிகளா நான் நல்லா தான் இருக்கேன்..இறந்துவிட்டதாக வந்த செய்தியை மறுத்த ரஜினி பட வில்லன்..!

தமிழ் மற்றும் தெலுங்கில் பிரபல நடிகராக வலம் வருபவர் சுமன். ரஜினி சூப்பர்ஸ்டாராக உருவாவதற்கு முன்னரே அவருடன் நடித்த நடிகர் தான் சுமன். கடந்த நாற்பது ஆண்டுகளுக்கு மேலாக நடித்து வரும் சுமன் ரஜினியின் சிவாஜி, விஜய்யின் குருவி, அஜித்தின் ஏகன் என பல படங்களில் நடித்துள்ளார்.மேலும் தற்போது லெஜெண்ட் சரவணன் நடிப்பில் வெளியான லெஜெண்ட் படத்திலும் வில்லனாக நடித்துள்ளார் சுமன்.

இடையில் சில காலம் நடிப்பில் இருந்து விலகியிருந்த சுமன் கடந்த 2007 ஆம் ஆண்டு ஷங்கர் இயக்கத்தில் ரஜினியின் நடிப்பில் வெளியான சிவாஜி படத்தில் வில்லனாக நடித்தார்.அப்படத்தில் அவரின் நடிப்பு பெரிதும் பாராட்டபட்ட நிலையில் அடுத்ததாக பல படங்களில் நடிக்க துவங்கினார் சுமன்.

வில்லன் மற்றும் குணச்சித்திர கதாபாத்திரங்களில் நடித்து வந்த சுமன் தற்போதும் பல படங்களில் நடித்துவருகிறார். இந்நிலையில் இவர் உடல்நலக்குறைவால் இறந்துவிட்டதாக சில யூடுப் சானல்களில் தகவல்கள் பரவின.

இதையடுத்து சுமன் இந்த வதந்தியை மறுத்துள்ளார். அவர் கூறியதாவது, நான் நன்றாக இருக்கின்றேன், யாரும் பொய்யான தகவலை நம்பவேண்டாம். மேலும் இதுபோன்று பொய்யான தகவலை பரப்புபவர்கள் மீது வழக்கு தொடுக்க இருக்கின்றேன் என்றார் சுமன்.

Share this post with your friends

Leave a Comment

Your email address will not be published.