தமிழ் சினிமாவில் குழந்தை நட்சத்திரமாக அறிமுகமாகி உச்ச நடிகையாக வலம் வந்தவர் நடிகை மீனா.சினிமாவில் பிஸியான நடிகையாக வலம் வந்த போதே நடிகை மீனா பெங்களூரைச் சேர்ந்த சாஃப்ட்வேர் என்ஜினியர் வித்யா சாகர் என்பவரை கடந்த 2009 ஆம் ஆண்டு திருமணம் செய்து கொண்டார்.
இவர்களுக்கு நைனிகா என்ற மகள் உள்ளார். நைனிகாவும் குழந்தை நட்சத்திரமாக உள்ளார்.இந்நிலையில் கடந்த சில மாதங்களுக்கு முன் மீனாவின் கணவர் உடல்நலக் குறைவு ஏற்பட்டு மறைந்தது அனைவருக்குமே கடும் சோகத்தை கொடுத்தது. இப்போது தான் மீனா கணவர் இழப்பில் இருந்து கொஞ்சம் கொஞ்சமாக வெளியே வருகிறார்.
இந்த நேரத்தில் தான் நடிகை மீனாவின் மறுமணம் குறித்து தகவல்கள் பரவி வருகின்றன. மீனாவிற்கு விருப்பம் இல்லை என்றாலும் பெற்றோர்களின் கட்டாயத்தால் மறுமணத்திற்கு அவர் ஒப்புக் கொண்டதாகவும் குடும்ப நண்பரை திருமணம் செய்கிறார் என செய்திகள் பரவுகின்றன. ஆனால் மீனா தரப்பில் இந்த செய்தி குறித்து முற்றிலும் மறுத்துள்ளனர், இது வதந்தியே என்று கூறியுள்ளனர்.
