Skygain News

இரண்டு ஆண்டுகளுக்குப் பிறகு கோலாகலமாக நடைபெறும் காரைக்குடி தூய சகாய அன்னை ஆலய தேர் பவனி விழா..!

காரைக்குடி தூய சகாய அன்னைஆலய தேர் பவனி விழா இரண்டு ஆண்டுகளுக்குப் பிறகு நடைபெற்றது ஆயிரக்கணக்கான கிறிஸ்தவர்கள் மற்றும் பொதுமக்கள் பங்கேற்பு. சிவகங்கை மாவட்டம் காரைக்குடியில் உள்ள மிகவும் பிரசித்தி பெற்ற தூய சகாய அன்னை ஆலய திருவிழாவானது கடந்த வாரம் சனிக்கிழமை கொடியேற்றத்துடன் துவங்கியது இதனைத் தொடர்ந்து சகாய அன்னை ஆலயத்தில் மாலை தோறும் திருப்பலி ஆராதனை மற்றும் கொண்டாட்டங்கள் நடைபெற்றது.விழாவின் முக்கிய நாளான இன்று சகாய அன்னை ஆலயத்தில் திருவிழா திருப்பலி நிறைவேற்றப்பட்டது. இதனைத் தொடர்ந்து அன்னையின் திருவுருவம் தாங்கிய தேர் பவனி சகாய அன்னை ஆலயத்தில் இருந்து தொடங்கி காரைக்குடியின் முக்கிய சாலையான காரைக்குடி 100 அடி சாலை வழியாக வந்து கல்லூரி சாலை வழியாக தொடர்ந்து சகாய அன்னை ஆலயத்தை வந்தடைந்தது. இந்தேர் பவனியில் ஆயிரக்கணக்கான கிறிஸ்தவர்கள் பங்கேற்றனர் கொரோனா தொற்றின் எதிரொலிபாத கடந்த இரண்டு ஆண்டுகளாக நடைபெறாமல் இருந்த இத்திருவிழா இவ்வாண்டு நடைபெறுவதால் கிறிஸ்தவர்கள் மத்தியில் மகிழ்ச்சியை ஏற்படுத்தியுள்ளது.

Share this post with your friends

Leave a Comment

Your email address will not be published.