அஜித் தற்போது துணிவு’ படத்தில் மூன்றாவது முறையாக வினோத், போனி கபூர், அஜித் மூவரும் இணைந்துள்ளனர். இதன் ஷூட்டிங் முடிந்து ரிலீசுக்கு தயாராகி வருகிறது. இப்படத்தை பொங்கல் வெளியீடாக ரிலீஸ் செய்ய திட்டமிட்டுள்ளது படக்குழு. உதயநிதியின் ரெட் ஜெயண்ட் மூவீஸ் நிறுவனம் ‘துணிவு’ படத்தின் வெளியீட்டு உரிமையை கைப்பற்றியுள்ளது.
இந்நிலையில் நடிகர் சிவகார்த்திகேயன் அஜித்துடன் எடுத்துள்ள புகைப்படம் இணையத்தில் படு வேகமாக வைரலாகி வருகிறது. இந்த புகைப்படத்தை தனது ட்விட்டர் பக்கத்தில் பகிர்ந்து, “அஜித்குமார் சாரை சந்திக்கும் வாய்ப்பு நீண்ட நாட்களுக்கு பிறகு அமைந்தது. வாழ்நாள் முழுவதுக்கும் மனதில் வைத்து கொண்டாடும் மற்றொரு சந்திப்பு.
உங்களின் பாசிட்டிவ் வார்த்தைகளுக்கும், வாழ்த்துக்கும் நன்றி சார்” என கேப்ஷன் கொடுத்துள்ளார் சிவகார்த்திகேயன்.பீஸ்ட்’ படப்பிடிப்புன் விஜய்யுடன் சிவகார்த்திகேயன் எடுத்துக்கொண்ட புகைப்படத்தையும், தற்போது அஜித்துடன் உள்ள புகைப்படத்தையும் ஒப்பிட்டு ரசிகர்கள் இணையத்தில் கமெண்ட் அடித்து வருகின்றனர்.
விஜய்க்கு ‘அரபிக்குத்து’ பாடல் எழுதியதை போல் அஜித்துக்கு ஒரு குத்து பாடல் எழுதுங்க எஸ்கே என்றும் ரசிகர்கள் கமெண்ட் அடித்து வருகின்றனர்.
