Skygain News

குஜராத்தில் தேர்தலுக்கான முதல்கட்ட வேட்பாளர் பட்டியலை வெளியிட்டது பாஜக..!

182 தொகுதிகள் கொண்ட குஜராத் மாநில சட்டப் பேரவையின் பதவிக்காலம் அடுத்த ஆண்டு பிப்ரவரி மாதம் 18-ஆம் தேதி நிறைவடைகிறது. இதனையடுத்து குஜராத் தேர்தலுக்கான அறிவிப்பை தலைமைத் தேர்தல் ஆணையர் ராஜீவ் குமார் தெரிவுத்துள்ளார். அதன்படி குஜராத் சட்டப்பேரவை தேர்தல் இரண்டு கட்டங்களாக நடைபெறவுள்ளது. அதாவது வருகிற டிசம்பர் 1ம் தேதி மற்றும் 5ம் தேதி என இரண்டு கட்டங்களாக தேர்தல் நடைபெறவுள்ள நிலையில், 8ம் தேதி வாக்கு எண்ணப்பட்டு அன்றே முடிவு அறிவிக்கப்படவுள்ளது. முதல் முறையாக ஆம் ஆத்மி கட்சி குஜராத் மாநில சட்டப்பேரவை தேர்தலில் போட்டியிடவுள்ளது. குஜராத் மாநில ஆம் ஆத்மி முதல்வர் வேட்பாளராக அக்கட்சியின் தேசிய பொதுச்செயலாளர் இசுதான்ன் காத்வி அறிவிக்கப்பட்டுள்ளார்.

இந்நிலையில், குஜராத் சட்டப்பேரவை தேர்தலுக்கான முதல்கட்ட வேட்பாளர்கள் பட்டியலை பாஜக அறிவித்துள்ளது. அதன்படி முதல்கட்டமாக 160 வேட்பாளர்களை பாஜக தற்போது அறிவித்துள்ளது. அதன்படி கட்லோடியா சட்டமன்ற தொகுதியில் குஜராத் முதலமைச்சர் பூபேந்திர பட்டேல் போட்டியிடவுள்ளார். மஜுரா தொகுதியில் உள்துறை அமைச்சர் ஹர்ஷ் சங்கவி போட்டியிடுகின்றார். அதேபோல், காங்கிரஸிலிருந்து பாஜகவில் இணைந்த ஹர்திக் படேல் விரம்கம் தொகுதியில் போட்டியிடவுள்ளார். இதேபோல் கிரிக்கெட் வீரர் ஜடேஜாவின் மனைவி ரிவபா ஜடேஜா ஜாம்நகர் வடக்கு தொகுதியில் போட்டியிடவுள்ளதாக அறிவிக்கப்பட்டுள்ளது.

Share this post with your friends

Leave a Comment

Your email address will not be published. Required fields are marked *

என்னையும் அட்ஜஸ்ட்மெண்ட் பண்ண சொன்னாங்க! பிரபல நடிகரின் மகள் பேட்டி…

சமீபத்தில் பேட்டி ஒன்றில் பங்கேற்ற வரலட்சுமி சரத்குமார், திரைத்துறையில் நடிகைகளுக்கு கொடுக்கப்படும் பாலியல்...

Read More