Skygain News

சுவை மற்றும் ஆரோகியாம் நிறைத்த பிரெட் உருளைக்கிழங்கு வடை.!

தேவையான பொருட்கள் :

உருளைக் கிழங்கு – 2
பிரெட் துண்டுகள் – 10
வறுத்த ரவை – அரை கப்
அரிசி மாவு – இரு டேபிள் ஸ்பூன்
உப்பு, எண்ணெய் – தேவைக்கு
கேரட் துருவல் – இரண்டு டேபிள் ஸ்பூன்
வெங்காயம் – 2
இஞ்சித் துருவல் – ஒரு டீஸ்பூன்
பச்சை மிளகாய் – 2
மிளகாய்த் தூள் – அரை டீஸ்பூன்
கறிவேப்பிலை, கொத்த மல்லித்தழை – சிறிது

செய்முறை :

வெங்காயம், ப.மிளகாய், கொத்தமல்லியை பொடியாக நறுக்கி கொள்ளவும்.

உருளைக்கிழங்கை வேக வைத்து மசித்து கொள்ளவும்.

ஒரு வாயகன்ற பாத்திரத்தில் பிரெட்டை போட்டு உதிர்த்துக் கொள்ளுங்கள்.

இதனுடன் வறுத்த ரவை, அரிசி மாவு, உப்பு, கேரட் துருவல், வெங்காயம், ப.மிளகாய், கறிவேப்பிலை, கொத்தமல்லி, இஞ்சி துருவல், மிளகாய் தூள், வேக வைத்த உருளைக்கிழங்கு சேர்த்து நன்றாக கெட்டியாக பிசைந்து கொண்டு தேவைப்பட்டால் தண்ணீர் தெளித்து கொள்ளலாம்.

கடாயை அடுப்பில் வைத்து பொரிப்பதற்கு தேவையான எண்ணெய் ஊற்றி சூடானதும் மாவை வடையாகத் தட்டி, எண்ணெயில் போட்டுப் பொரித்தெடுங்கள்.

சூப்பரான பிரெட் உருளைக்கிழங்கு வடை ரெடி. விருப்பப்பட்டால் சாஸ், தேங்காய் சட்னி, மல்லி சட்னியுடன் சாப்பிடலாம்.

Share this post with your friends

Leave a Comment

Your email address will not be published.