இந்திய சினிமாவே வியந்து பார்க்கும் ஒரு நடிகர் தான் கமல். நடிகராக மட்டுமல்லாமல் பன்முகத்திறன் கொண்டவராக விளங்கி வருகின்றார் கமல். லோகேஷ் கனகராஜ் இயக்கத்தில் அனிருத்தின் இசையில் கமலே நடித்து விக்ரம் திரைப்படம் கடந்த ஜூன் மாதம் வெளியானது.
ரசிகர்களின் அமோக வரவேற்பை பெற்ற இப்படம் சாதனை படைத்தது. இதையடுத்து புது உத்வேகத்துடன் காணப்படும் கமல் அடுத்தடுத்து படங்களில் நடிக்க தயாரானார். அதன் ஒரு பகுதியாக ஷங்கர் இயக்கத்தில் உருவான இந்தியன் 2 திரைப்படத்தை மீண்டும் துவங்க முயற்சி செய்தார் கமல்.
அவர் முயற்சிக்கு பலன் கிடைக்கவே இந்தியன் 2 திரைப்படம் தற்போது மீண்டும் துவங்கப்பட்டு படப்பிடிப்பு விறுவிறுப்பாக நடைபெற்று வருகின்றது. இந்நிலையில் ஷங்கர் தெலுங்கு படம் மற்றும் இந்தியன் 2 என மாறி மாறி படப்பிடிப்பை நடத்தி வருகின்றார்.
இந்நிலையில் மிகப்பிரம்மாண்டமாக உருவாகும் இந்தியன் 2 திரைப்படத்தை அடுத்தாண்டு தீபாவளிக்கு வெளியிட படக்குழு திட்டம் தீட்டியுள்ளதாம். இத்தகவல் கமல் ரசிகர்களை குஷியில் ஆழ்த்தியுள்ளது
