பிக் பாஸ் சீசன் 6 துவங்கி நாற்பது நாட்களாகிவிட்டது. சீசன் துவங்கிய வாரத்திலிருந்தே சண்டைகள் ,சர்ச்சைகள் என செல்வதால் ரசிகர்கள் ஆவலாக இந்த நிகழ்ச்சியை பார்த்து வருகின்றனர். முதலில் 21 போட்டியாளர்களுடன் ஆரம்பமான இந்நிகழ்ச்சியில் இதுவரை ஜி.பி.முத்து, ஷாந்தி, அசல், ஷெரினா, மஹேஸ்வரி ஆகியோர் வெளியேறியுள்ளனர்.இந்நிலையில் இந்த வாரம் பிக் பாஸ் வீட்டை விட்டு நிவாஸினி வெளியேறியுள்ளார்.
மொத்தம் ஏழு போட்டியாளர்கள் இந்த வாரம் நாமினேட் செய்யப்பட்டதை அடுத்து கடைசியாக அசீம் மற்றும் நிவா குறைவான வாக்குகளை பெற்றனர்.இதில் மிக குறைவான வாக்குகளை பெற்று நிவா வெளியேறினார்.
இந்நிலையில் பிக் பாஸ் வீட்டில் இருந்து நிவா கிளம்பும்போது அவரை மற்றவர்கள் கிண்டல் செய்தனர். ‘வெளியே போனதும் நேராக நீ யாரை பார்க்க போறனு தெரியும்’ என ஆயிஷா கிண்டல் செய்தார். அவர் அசல் கோளாறு பற்றி தான் சொல்கிறார் என்பது எல்லோருக்குமே தெரிந்தது.
