கோமாளி’ படத்தின் வெற்றியை தொடர்ந்து இரண்டாவது படமாக ‘லவ் டுடே’ படத்தை இயக்கியுள்ளார். இப்படத்தின் மூலம் அவர் நடிகராகவும் அவதாரம் எடுத்துள்ளார். ரொமாண்டிக் காமெடி திரைப்படமான இதில் பிரதீப்புக்கு ஜோடியாக இவானா நடித்துள்ளார். மேலும் ராதிகா, சத்யராஜ், யோகிபாபு, ரவீனா என மிகப்பெரிய நட்சத்திர பட்டாளமே நடித்துள்ளனர்.
இந்தப்படம் ரசிகர்கள் மத்தியில் மிகப்பெரிய வரவேற்பை பெற்று வரும் நிலையில் பிரதீப் ரங்கநாதன் விஜய், யுவன், தோனி உள்ளிட்டோரை விமர்சித்து தனது பேஸ்புக் பக்கத்தில் பதிவிட்டதாக, அவரின் பழைய பதிவுகள் இணையத்தில் வைரலானது. இந்த பதிவுகள் சமூக வலைத்தளங்களில் சர்ச்சைகளை கிளப்பியதை தொடர்ந்து தற்போது பிரதீப் ரங்கநாதன் தனது ட்விட்டர் பக்கத்தில் விளக்கம் அளித்துள்ளார்.
அதில், “என் ஃபேஸ்புக் பக்கத்திலிருந்து பகிரப்பட்ட சில பதிவுகள் உண்மைதான். ஆனால், தகாத வார்த்தையில் நான் யாரையும் பேசவில்லை. அதெல்லாம் போட்டோஷாப் செய்யப்பட்டவை. ஃபேஸ்புக் பக்கத்தை டீ ஆக்டிவேட் செய்துவிட்டேன். இதை சிலர் செய்ததற்காக அவர்கள் மீது கோபப்படவில்லை என கூறியுள்ளார் பிரதீப்
