இலங்கை சிறையில் உள்ள தமிழக மீனவர்களை விடுவிக்கக் கோரி ராமேஸ்வர மீனவர்கள் வேலைநிறுத்தம்

இலங்கை சிறையில் உள்ள தமிழக மீனவர்கள் மற்றும் படகுகளை விடுதலை செய்ய வலியுறுத்தி ராமேஸ்வர மீனவர்கள், இன்று முதல் வேலை நிறுத்த போராட்டத்தை தொடங்கியுள்ளனர்.

இதன் காரணமாக ராமேஸ்வரம் துறைமுக கடல் பகுதியில் 800-க்கும் அதிகமான விசைப்படகுகள் மீன் பிடிக்க செல்லாமல் அணிவகுத்து நிறுத்தி வைக்கப்பட்டுள்ளன.

மீனவர்கள் மீன் பிடிக்க செல்லாததால் சுமார் 10,000 கும் மேற்பட்ட மீனவர்களும் அதைச் சார்ந்த தொழிலாளர்களும் வேலைவாய்ப்பு இழந்துள்ளனர்.