தமிழ் சினிமாவில் சூப்பர்ஸ்டாராக வலம் வருகின்றார் ரஜினி. தற்போது நெல்சன் இயக்கத்தில் ஜெயிலர் படத்தில் நடித்து வருகின்றார் ரஜினி. இந்நிலையில் காட்பாதர் படத்தை இயக்கிய மோகன் ராஜாவை ரஜினி வெகுவாக பாராட்டியுள்ளார். இயக்குனர் மோகன் ராஜா இயக்கத்தில் சிரஞ்சீவி, நயன்தாரா நடிப்பில் உருவான ’காட்ஃபாதர்’ என்ற படம் சமீபத்தில் வெளியாகி ரசிகர்கள் மத்தியில் மிகப்பெரிய வரவேற்பை பெற்று வருகிறது.
படம் வெளியான ஒருசில நாட்களிலே 100 கோடி ரூபாய் வசூல் செய்து சாதனை படைத்துள்ளது.இந்த்ப்படத்தினை நடிகர் ஜெயம் ரவியின் அண்ணனும், இயக்குனருமான மோகன் ராஜா இயக்கியுள்ளார். ’காட்ஃபாதர்’ படத்தை பார்த்து பல தெலுங்கு திரையுலக பிரபலங்கள் தங்களது வாழ்த்துகளை படக்குழுவினர்களுக்கு தெரிவித்துள்ள நிலையில் சூப்பர் ஸ்டார் ரஜினிகாந்த் அவர்களுக்காக இந்த படத்தின் சிறப்பு காட்சி சமீபத்தில் திரையிடப்பட்டது.
’காட்ஃபாதர்’ படத்தை தெலுங்கு மொழியில் பார்த்த ரஜினிகாந்த்படக்குழுவினர்களுக்கு குறிப்பாக இயக்குனர் மோகன் ராஜாவுக்கு தனது பாராட்டுக்களை தெரிவித்துள்ளார். மிகவும் அற்புதமான படம் என்றும் அருமையான படம் என்றும் ’காட்ஃபாதர்’ படம் குறித்து அவர் கூறியதாக இயக்குனர் மோகன் ராஜா தனது ட்விட்டரில் பதிவிட்டுள்ளார். இந்த தகவலை மோகன் ராஜா ட்விட்டர் பக்கத்தில் பதிவிட்டுள்ளார்
