ரஜினியின் ‘ஜெயிலர்’ படப்பிடிப்பு விறுவிறுப்பாக நடைபெற்று வருகிறது. அண்மையில் புதிய போஸ்டருடன் ‘ஜெயிலர்’ படத்தின் ஷூட்டிங் பூஜையுடன் துவங்கியது. மேலும், ரம்யா கிருஷ்ணன், யோகி பாபு, விநாயகன், வசந்த் ரவி ஆகியோர் நடிப்பதாக படக்குழு அதிகாரப்பூர்வ அறிவிப்பும் வெளியிட்டது. ‘படையப்பா’ படத்திற்கு பிறகு ரஜினி, ரம்யா கிருஷ்ணன் காம்போ இணைந்துள்ளது ரசிகர்கள் மத்தியில் எதிர்பார்ப்பினை கிளப்பியுள்ளது.
நேற்றைய தினம் இந்தப்படத்தின் மேக்கிங் வீடியோ நேற்று வெளியாகி இணையத்தில் வைரலானது. இந்நிலையில் ‘ஜெயிலர்’ படப்பிடிப்பு நடக்கும் இடத்திற்கு திடீர் விசிட் அடித்த நடிகர் சிவகார்த்திகேயன், கன்னட நடிகர் சிவராஜ்குமாரை சந்தித்துள்ளார். இது குறித்த புகைப்படங்கள் இணையதளங்களில் வைரலாகி வருகின்றன.
ஜெயிலர்’ படத்தில் சிவகார்த்திகேயன் கெஸ்ட் ரோலில் நடிப்பார் என கூறப்பட்ட நிலையில் படப்பிடிப்பு தளத்திற்கு அவர் திடீர் விசிட் அடித்துள்ளது ரசிகர்கள் மத்தியில் எதிர்பார்ப்பை கிளப்பியுள்ளது.
