விஜய் மற்றும் லோகேஷ் கனகராஜ் கூட்டணியில் வெளியானது மாஸ்டர் திரைப்படம்.கொரோனா காலகட்டத்தில் பல கட்டுப்பாடுகளுக்கு மத்தியில் வெளியான மாஸ்டர் திரைப்படம் வசூலில் மிகப்பெரிய சாதனையை படைத்தது. இதையடுத்து இக்கூட்டணி வெற்றி கூட்டணியாக வலம் வர துவங்கியுள்ளது.
மாஸ்டர் படத்தின் வெற்றிக்கு பிறகு விஜய் பீஸ்ட், வாரிசு ஆகிய படங்களில் நடித்துள்ளார். மறுபக்கம் லோகேஷ் கனகராஜ் கமல் நடிப்பில் உருவான விக்ரம் படத்தை இயக்கி வெற்றி கண்டார். இந்நிலையில் இதையடுத்து இவர்கள் இருவரும் மீண்டும் தளபதி 67 படத்தின் மூலம் இணையவுள்ளனர்.
தற்போது இப்படத்தின் முந்தைய பணிகளில் பிசியாக இருந்து வரும் லோகேஷ் கனகராஜ் அடுத்தாண்டு ஜனவரியில் இப்படத்தின் படப்பிடிப்பை துவங்குவார் என எதிர்பார்க்கப்படுகின்றது.தளபதி 67 திரைப்படத்தில் பல வில்லன்கள் நடிப்பதாக தகவல் வந்தது.
இதில் பாலிவுட் நடிகரான சஞ்சய் தத் நடிப்பது தற்போது உறுதியாகியுள்ளது. ஆனால் இப்படத்தில் நடிக்க சஞ்சய் தத் போட்ட கண்டிஷன் தான் தற்போது லோகேஷிற்கு தலைவலியாக இருக்கின்றது. அதாவது இரவு நேர படப்பிடிப்பில் நடிக்கமாட்டேன் என்றும், பகலில் மட்டுமே நடிப்பேன் என்றும் சஞ்சய் தத் கூறியுள்ளதாக தகவல் வந்துள்ளது.
லோகேஷ் கனகராஜ் பெரும்பாலும் தன் படங்களின் படப்பிடிப்பை இரவு நேரங்களிலேயே நடத்துவார். ஆனால் சஞ்சய் தத் இவ்வாறு கண்டிஷன் போட்டது தான் தற்போது பிரச்சனையாக இருப்பதாக தகவல் வந்துள்ளது குறிப்பிடத்தக்கது
