சிவகார்த்திகேயன் நடிப்பில் அனுதீப் இயக்கத்தில் கடந்த தீபாவளி பண்டிகையை முன்னிட்டு பிரின்ஸ் திரைப்படம் வெளியானது. மிகவும் எதிர்பார்க்கப்பட்ட இப்படம் கலவையான விமர்சனங்களை பெற்றது. இது சிவகார்த்திகேயன் ரசிகர்களை ஏமாற்றமடைய செய்தது.இந்த படத்தை ஸ்ரீ வெங்கடேஸ்வரா சினிமாஸ்,சுரேஷ் புரொடக்ஷன்ஸ் மற்றும் சாந்தி டாக்கீஸ் ஆகிய நிறுவனங்கள் இணைந்து தயாரித்துள்ளனர்.
இந்த படத்தில் சிவகார்த்திகேயனுக்கு ஜோடியாக உக்ரைன் நாட்டைச் சேர்ந்த மரியா ரியாபோஷப்கா கதாநாயகியாக நடித்துள்ளார்.இவர்களுடன் நடிகர் சத்யராஜ் முக்கிய கதாபாத்திரத்தில் நடித்துள்ளார்.
பிரிட்டிஷ் பெண்ணுக்கும், இந்திய பையனுக்கும் இடையேயான காதல் கதையை ஜாலியாக சொல்லியிருந்தார் இயக்குனர் அனுதீப்.
இந்நிலையில் இப்படத்தின் ஓடிடி ரிலீஸ் குறித்த அறிவிப்பு வெளியாகியுள்ளது. அதன்படி இந்த படம் வரும் நவம்பர் 25-ஆம் தேதி டிஸ்னிப்ளஸ் ஹாட் ஸ்டாரில் வெளியாகும் என அறிவிக்கப்பட்டுள்ளது.
பிரின்ஸ் திரைப்படம் திரையில் வெளியாகி ஒரு மாதம் கூட ஆகாத நிலையில் OTT யில் வெளியாவது ரசிகர்களை ஏமாற்றமடைய செய்துள்ளது குறிப்பிடத்தக்கது
