தமிழ் சினிமாவில் ரசிகர்களால் கொண்டாடப்படும் நடிகர்களில் ஒருவர் அஜித். வலிமை திரைப்படத்திற்கு பிறகு இவர் தற்போது தனது 61வது படமான துணிவு படத்தில் நடித்து வருகிறார். இந்தப் படத்தின் மூலம்ட இயக்குநர் ஹெச் வினோத்துடன் மூன்றாவது முறையாக இணைந்துள்ளார் அஜித்.
துணிவு படத்தில் அஜித் இரட்டை வேடத்தில் நடிப்பதாக கூறப்படுகிறது.துணிவு திரைப்படத்தை பொங்கலுக்கு வெளியிட படக்குழு முடிவு செய்துள்ளது. படப்பிடிப்பு நிறைவடைந்ததால் தாய்லாந்தில் தனது பைக்கில் சுற்றுலாவை தொடங்கியுள்ளார் நடிகர் அஜித்.
இயற்கை எழில் கொஞ்சும் மலைகள் நிறைந்த பகுதியில் புத்தர் சிலைக்கு முன்பாக பைக்கை நிறுத்திவிட்டு அஜித் நிற்கும் போட்டோ இணையத்தில் வெளியாகி வைரலாகி வருகிறது.இந்த புகைப்படத்தை அஜித்தின் 62 ஆவது திரைப்படத்தை இயக்கம் விக்னேஷ் சிவன் தனது ட்விட்டர் பக்கத்தில் பதிவிட்டுள்ளார். மேலும் அமைதிக்கு முன் ஒரு புயல்’ என கேப்ஷன் கொடுத்துள்ளார்
