‘வாரிசு’ படத்தின் முதல் சிங்கிளான ‘ரஞ்சிதமே’ பாடல் அண்மையில் வெளியானது. விவேக் எழுதிய இந்தப்பாடலை விஜய் பாடியிருந்தார். விஜய் தன்னுடைய ஸ்டைலில் செம்ம ஸ்டப் போட்டுள்ளதாக ரசிகர்கள் இந்தப்பாடலை கொண்டாடினர். யூடிப் டிரெண்டிங்கிலும் இந்தப்பாடல் முதல் இடத்தை பெற்று வருகிறது.
இந்நிலையில் ‘வாரிசு’ படத்தின் அடுத்த பாடல் குறித்து பரபரப்பு பதிவு ஒன்றை பகிர்ந்துள்ளார் நடன இயக்குனர் ஜானி மாஸ்டர். அதில், ‘வாரிசு படத்திலிருந்து அடுத்த சூப்பர் ஹிட் பாடல் ரெடியாகிக் கொண்டிருக்கிறது. கர்நாடகாவின் பெல்லாரியில் இந்த பாடலை படமாக்கியுள்ளோம்.
இந்த பாடலில் சில சூப்பரான நடன ஸ்டெப்புகளை இடம்பெறச் செய்துள்ளோம். ஆதரவு அளித்த அனைவருக்கும் நன்றி. ரசிகர்கள் எதிர்பார்ப்பை அதிகமாக வைத்துக் கொள்ளுங்கள்’ என்று பதிவிட்டுள்ளார்.
